etoim.mn
photos/56770558_1352704084870344_2168984593586192384_n_b.jpg

Улаанбаатар хотын нутаг дэвсгэрт авто замын тэмдэг, тэмдэглэлд үзлэг, шалгалт, тооллого хийх ажлыг Тээврийн цагдаагийн албаны Замын цагдаагийн газар, Нийслэлийн мэргэжлийн хяналтын газар, Нийслэлийн авто замын хөгжлийн газар зэрэг байгууллагууд хамтран энэ сарын 02-ны өдрөөс 14-ний өдрийн хооронд зохион байгуулж байна.

Хяналт шалгалтын ажлыг зохион байгуулснаар замын хөдөлгөөний аюулгүй байдлыг хангах, зам тээврийн осол, хэргээс урьдчилан сэргийлэх, хөдөлгөөн зохицуулах техник хэрэгслийн бүрэн бүтэн байдлыг хангах, тэмдгийн хулгайтай тэмцэх, нэгдсэн цахим мэдээллийн сан бүрдүүлэхэд ач холбогдолтой юм.

Түүнчлэн нийслэлийн гудамж замд байрлуулсан зар сурталчилгааны самбар, техник хэрэгслүүд нь тэмдгийн утга алдагдуулах, үзэгдэх орчинг халхалсан, хөдөлгөөн зохион байгуулалтад сөргөөр нөлөөлж байгаа эсэхийг тогтоож, илэрсэн зөрчил дутагдлын талаар холбогдох албан тушаалтан, байгууллагад мэдэгдэл, шаардлага хүргүүлж, зөрчлийг арилгуулах арга хэмжээ авч ажиллаж байна.

2018 оны судалгаагаар нийслэл хотын хэмжээнд авто замын нийт 12000 орчим тэмдэг, тэмдэглэл байдгаас 3000 орчмыг солих шаардлагатай байсан байна.

Эх сурвалж: Тээврийн цагдаагийн газар

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх